குறள் எண் : 342
வேண்டினுண் டாகத் துறக்க துறந்தபின்
ஈண்டியற் பால பல
ஈண்டியற் பால பல
குறள் விளக்கம்
மு.வரதராசனார் உரை:
துன்பமில்லாத நிலைமை வேண்டுமானால் எல்லாப் பொருள்களும் உள்ள காலத்திலேயெ துறக்க வேண்டும்,துறந்த பின் இங்குப் பெறக்கூடும் இன்பங்கள் பல….
சாலமன் பாப்பையா உரை:
சாலமன் பாப்பையா விளக்க உரை: பொருள்களின் மீதுள்ள பற்றைத் துறந்தபின் வந்து சேரும் இன்பங்கள் பல; இன்பங்களை விரும்பினால் துறவு கொள்க.
கலைஞர் மு.கருணாநிதி உரை:
ஒருவனைத் துன்பம் துளைத்தெடுக்காமல் இருக்க எல்லாம் இருக்கும் போதே அவற்றைக் துறந்து விடுவானேயானால், அவன் உலகில் பெறக்கூடிய இன்பங்கள் பலவாகும்.